Fà na cosa…appiccia ‘a radio

Fa na cosa, appiccia ‘a radio,

truovate sta canzona, e pe’ tramenta  ca’ t’a’ siente

lieggete  stì quatt parole  c’aggio scritt’ pe ttè:

aggia truvà ‘o sistema

pe te fa rirere nu poco,

‘o musso triste nun c’adda stà mai cchiù,

nun ‘o support’, tu sì troppa bbella

e ‘o pizz’ a rriso adda tenè a vucchella,

m’aggia metter’ a fa ‘o pagliaccio

aggia fa sciogliere stù gghiaccio,

te voglio verè ca balle comma ‘a na criatura

e appress’ a ttè, abball’ io pure!

Te voglio bbene , piccerè, co tutt’ ‘o core,

e ‘o ssaje ca chistu bbene, po’, addeventa ammore;

e cull’ammore ca m’abbrucia  l’uocchie

te veng’ ‘a prià e annanz’ a ttè po’, m’addinocchie

e te veng’ a dicere na cosa,

e chelle ca se dicene sul’ ‘a meglia sposa,

famme murì cu ‘e vase tuoie

famme arricreà cu ‘e ccarne tuoie

e ‘nparaviso jamme tutt’ è dduie!

E pe te fa fà n’urtema resata,

te cunto chell’ ca ma ritt’ n’amic’ do mie:

“ Cazz’ Ggì , ma tè luvate 30 anne a cuoll,

ma che Maronn’ è state?

Si gghiut’ a Lurdèss  o t’è nnammurate?

‘O ssaje ca pare propete nu prevete spugliate?